人人毒我，我毒人人！
真係好想去！(理想化)暫定16年2月去南美，膽拖秘魯玻利維亞，其餘地點待定，因為實在好想去睇天空之鏡！
要睇到天空之鏡，要夾雨季，仲要碰上好天氣！真係可遇不可求。不過我決定了，一次唔得就來多次，無限復活！世上無難事，只怕有心人。(只有談到旅行才會咁有毅力，遲早激死老闆)
相信老闆都會好想去。如果佢帶我去的話，我一定會捨命陪君子，同佢係秘魯用腳、用汗水、用毅力行畢整條印加古道！
誠徵團友！有意請pm Charlie。
小編@天空之鏡直擊！玻利維亞鹽湖Salar de Uyuni！
要影到咁靚的倒影，務必要係12月至3月份的雨季時侯去，即使係雨季，咁大個鹽湖亦只有少部分地區有水 (地下有水先影到倒影嘛!)。同樣因為係雨季，亦有機會落大雨掃興而回。
從玻利維亞首都La Paz 可以坐一個鐘飛機去Uyuni。到達Uyuni 鎮後，您只有兩個選擇：一係就同日本人玩，一係同韓國人玩。當中有星空&日出團、日落團、全日團等等。當地兩間最出名嘅旅行社每日一共起碼有十幾二十個團，唔使驚無位。要睇到倒影真係視乎天氣，小編基本上試過哂所有團，但星空&日出團太多雲唔係幾睇到、而日落團大半時間落大雨、幸好全日團天朗氣清先影到靚相。
要注意既係3日2夜團，雖然呢啲團係就係去鹽湖，仲可以最後在邊境過智利San Pedro de Atacama，但係大部分都唔係睇倒影，而是睇乾旱一望無際嘅鹽湖。除非你口才了得，說服同團嘅西人陪你睇。(小編講完倒影，俾埋佢地睇相，佢地嘩嘩嘩完之後都興趣不大😞)
簽證：
以前江湖傳聞要入境玻利維亞只有兩個方法，手持特區護照者要親身飛往北京辦簽証，需時1至3個月不等，還有機會簽証不被批出 (太麻煩，所以完全唔想試)。若手持BNO，要趁當地入境官員對BNO 不太認識，當你係英國人先得，亦有聽聞BNO 實際上是免簽証，但有人親身試過不獲放行。
但好消息係，近呢年特區護照係申請簽証易左好多！最簡單辦法就是從秘魯入境，在Cusco/Puno 這兩個城市的大使館可於半小時內辦妥簽証，順道去埋馬丘比丘。至於首都Lima，有朋友前陣子去了大使館，大使話辦簽証需時3個月。(當場暈倒...)
要準備之影印本/文件：
1. 護照
2. 信用卡
3. 離開玻利維亞或離開南美洲返香港的機票
4. 玻利維亞酒店的訂單
5. 黃熱針卡 (小編整簽証個時佢無檢查，不過最好係香港打定先)
6. 証件相一張
7. 盛惠30蚊美金
Search